Newsflash
CD Launch, 17 September 20h30 Speedway Cafe, Gardens Cape Town

...Die ewige soeke na die klankflans van...basterwees...

amaBhulu?, 'n folk band uit die Boland uit, gooi 'n allegaartjie van folk, kwela, blues, reggae, country, tango, gypsy en melankoliese ballades saam, so vêr as moontlik vermeng met 'n lekkie  boeremusiek.
Die band se oorspronklike komposisies is gebed en gebodem in Wes-Kaapse Afrikaanse spreektaal en die lirieke raak slaags met al wat ’n groot vraag is, van alleenlopery, die liefde en verlies, tot eietydse spanninge tussen kultuurvervreemding en -affiliasie, tuiswees en weg-wil-wees ... alles met 'n stewige tong in die kies.
Musikale invloede is divers en uiteenlopend—van David Kramer en Nico Carstens aan die een kant tot Pink Floyd en verskeie wereldmusiek, veral van Afrika aan die ander kant.