Biography

amaBhulu? Het sy onstaan gehad in die herfs van 2005 toe Heine du Toit as Electronika producer en DJ Opperman verveeld geraak het met elektroniese perfeksie en sy hand aan akoustiese folk musiek wou waag.
As interpreteerder van karakters en die ewige soeke na sy eie indiwiduele gom na stam begin die reis deur herinterpretasies van Dawid Kramer en ander traditionele groepe soos die Briels.
Hy op kitaar en stemme sleep toe sy suster Christine Vandenheede op bas, Marleze Smit op klawers Mikey D op Perkussie Willie Lategan,Linda Padfield op backing vocals en Helen Nepgen op viool, saam die afgrond in.

Na 'n maand of so word die band bevrug deur die energieke, authentic Elmez 'the badhorse' Badenhorst op pensklavier en banjo en begin die dinge tol.
Open mike aande , 'n regte set by die Acoustic cafe in Muizenberg , private shows ens volg totdat
Christine en Linda pregnant raak...en Heine se nering na die platteland te groot raak....dus verval amaBhulu toe in hibernasie met Heine en Elmi as enigste yweriges oor...

Dit was 'n jaar later toe Heine met Hendre Retief en Dawid de Villiers van die ook dormante alternatiewe folk outfit, Jeremiah Brimstone Band opkinnek op sy nuwe blyplek , 'n plaas buite Wellington.
Die twee halwe bands besluit toe om kragte saam te span, maar om hulle eie identiteite te hou en as twee bands indiwidueelte bly optree.
Met Dawid op Bas en Banjo en Hendre op perkussie was amaBhulu? weer op dreef.
Andre Loubser join toe op lead guitar vir 'n wyle en die klank kry toe finaal sy lê toe Natalie 'Viola' Mason van Birmingham op altviool by hulle aansluit.

Die naam amaBhulu? Vertaal uit Xhosa uit as 'die boere' is 'n komieklike verwysing na die dualiteit van 'n verouderde stam identiteit en die bevrydende potensiaal van wortels eien – dus die vraagteken aan die einde...

Vandag speel amaBhulu? uitsluitlik oorspronklike material diep gewortel in wereldmusiekstyle van kwela tot blues, country tot reggae, tango tot riel, vrylik verbaster met boeremusiek en bipoleer van die uitspattige tot diep en donker melankolie...

Die band se oorspronklike komposisies is gebed en gebodem in 'n Wes-Kaapse Afrikaanse spreektaal en die lirieke raak slaags met al wat ’n groot vraag is, van alleenlopery, die liefde en verlies, tot eietydse spanninge tussen kultuurvervreemding en -affiliasie, tuiswees en weg-wil-wees ... alles met 'n stewige tong in die kies.
Musikale invloede is divers en uiteenlopend?an David Kramer en Nico Carstens aan die een kant tot Pink Floyd en verskeie wêreldmusiekfusion , veral van Afrika aan die ander kant.

Dus...amaBhulu?“die ewige soeke na die klankflans van basterwees”