Heine du Toit het sy musiekloopbaan
begin as 'n side drummer in die kadet orkes
op ouderdom 15.
Dit was bo op die rugbyveld toe die bas, tenoor
en side dromme soos 'n gun skoot ingeval het
dat hy besef het sy lewe sal nooit weer dieselfde
wees nie.
Hy't op sewentien die kitaar begin tokkel, maar
gegewe sy lui leeu natuur, die ding eers semi-ernstig
begin slaan in sy laat twintigs en toe in 2005
besef dat dis nou of nooit en amaBhulu? begin.
Rondom sy 29ste jaar het hy ook begin opereer
as sy alterego dj
Opperman en hom as DJ en elektronika producer
bekwaam.
Hy't sy informele opleiding op die pad gedoen
deur onder andere die blues te gaan opsoek in
Memphis en Chicago,en by San Fransisco se Haight
Ashbury op die hippie vibrasies probeer inconnect.Toe
ook as techno/trans/lounge student in Londen
en Amsterdam gaan huiswerk doen en ook die trips
na Skotland en Ierland om sy Keltiese wortels
te gaan eien.Dan was daar onlangs 'n musiekreis
na Indie om die worship/trans kultuur te bestudeer.
Met die voltooing van 'n sirkel besef hy egter
dat die ware liefde lê êrens tussen
Kwêla, Vastrap en Boeremusiek sonder om
die mistigheid van sy Europese wortels te ontken.
Dus amaBhulu? ...die ewige soeke na die klankflans
van basterwees...
Hy is voltyds musiek producer en is veral liries
oor Wes Kaapse inheemse musiek.
